एमाले अध्यक्ष ओली गृह जिल्ला झापामा

काठमाडौं,साउन ११ । पूर्व प्रधानमन्त्री एवम् नेकपा (एमाले) का अध्यक्ष केपी शर्मा ओली झापा पुगेका छन् ।

झापा रहदा स्थानीय तह निर्वाचनको समीक्षाका समेत हुनेछ । गत वैशाख ३० गते सम्पन्न निर्वाचनको समीक्षा र आगामी निर्वाचनको तयारी बिषयमा छलफल गर्न उनी गृह जिल्ला पुगेको बुझिएको छ । 

झापा पुगेका ओलीले नेपाल उत्पीडित जातीय मुक्ति समाज झापाको अगुवा कार्यकर्ता प्रशिक्षण कार्यक्रमलाई बुधबार सम्बोधन गरे। राजनीतिक, सामाजिक, आर्थिक लगायतका परिवर्तनलाई संस्थागत गर्दै ‘सम्बृद्ध नेपाल र सुखी नेपाली’ को सपना साकार पार्ने अभियान पूरा गरेर छाड्ने बताए । 

आगामी निर्वाचनमा गठबन्धनलाई हराएर एमालेलाई पहिलो शक्ति बनाउने गरी सक्रिय हुन उनले निर्देशन दिएका छन् ।