स्थानीय तहको चुनावमा लोकप्रिय मत कांग्रेसको

काठमाडौं,साउन ११ ।स्थानीय तह निर्वाचनमा देशभरका वडाध्यक्षहरूले पाएको मतका आधारमा नेकपा एमालेभन्दा नेपाली कांग्रेस करीब लाख मतले अघि देखिएको छ । आयोगले सार्वजनिक गरेको आधिकारिक मत विवरणअनुसार नेपाली कांग्रेसले वडाध्यक्षहरूको मतका आधारमा ३९ लाख ५६ हजार १९३ मत पाएको छ ।

त्यस्तै नेकपा एमालेले वडाहरूमा पाएको मत ३८ लाख ११ हजार ६०२ छ । माओवादी केन्द्रले १५ लाख ३ हजार २४७ मत पाएको छ । चौथो स्थानमा रहेको जसपाले वडाध्यक्षतर्फ ६ लाख ८८ हजार ३८० मत पाएको छ भने नेकपा एसले ४ लाख २२ हजार ७३७ मत पाएको छ ।

छैटौं स्थानमा रहेको राप्रपाले ३ लाख ६४ हजार १६० मत पाएको छ । सातौं स्थानमा लोसपा रहेको छ । उसले २ लाख ४४ हजार ८८८ मत पाएको छ ।