भिभो वाई२० को मूल्य घट्यो
काठमाडौं,साउन १ । ‘भिभो वाई२०’ स्मार्टफोनको मूल्य घटेको छ । आफ्ना उत्पादन सबैका लागि पहुँचयोग्य बनाउने उद्देश्यले मूल्य घटाइएको कम्पनीले बताएको छ । ‘भिभो वाई२० सिरिजको ४जीबी प्लस ६४जीबी भेरियन्टमा रू. १ हजार ८०० ले मूल्य घटाइएको छ,’ कम्पनीले जारी गरेको विज्ञप्तिमा उल्लेख छ, ‘यो स्मार्टफोनको नयाँ मूल्य २० हजार ९९९ रहेको छ । सुलभ मूल्यमा उत्कृष्ट स्मार्टफोन खोजिरहेका ग्राहकले अब स्लिम र ट्रेन्डी वाई२० खरीद गर्न सक्छन् ।’
कम्पनीका अनुसार वाई२० मा १३ एमपी रियर क्यामेरा, २ एमपी बोकेह क्यामेरा र २ एमपी म्याक्रो क्यामेरा भएको एआई ट्रिपल म्याक्रो क्यामेरा सेटअप रहेको छ । अपग्रेड गरिएको बोकेह टेक्नोलोजीसँग सुसज्जित, २ एमपी बोकेह क्यामेराबाट प्रयोगकर्ताले स्टुडियो गुणस्तरका तस्वीर खिच्न सक्ने कम्पनीको भनाइ छ ।
वाई२० मा फेस ब्यूटी, पोट्र्रेट लाइट इफेक्ट, पीडिए टेक्नोलोजी र फिल्टरहरू लगायत धेरै क्यामेरा विशेषताहरू रहेका कम्पनीले जारी गरेको विज्ञप्तिमा उल्लेख छ । साथै, वाई२० मा ५ हजार एमएएच सुपर क्षमताको ब्याट्री र १० वाट फास्ट चार्ज प्रविधि रहेको कम्पनीले जानकारी दिएको छ ।