भारतको अमरनाथमा भीषण मुसलधारे वर्षा : १६ जनाको मृत्यु, ४० बेपत्ता

नयाँदिल्ली, असार २५ । भारतको अमरनाथ मन्दिर नजिकै शुक्रबार भीषण मुसलधारे वर्षा भएको छ । मुसलधारे वर्षामा परी १६ जना तीर्थयात्रीको मृत्यु भएको छ भने ४० जना बेपत्ता भएका छन्।

भारतको राष्ट्रिय विपद् व्यवस्थापन बलले दुर्घटनामा परेर बेपत्ता भएकाहरुको तत्काल खोजी कार्य अगाडि बढाइएको अन्तर्राष्ट्रिय सञ्चारमाध्यमहरुले जनाएका छन् ।

सय जनाभन्दा बढी उद्धारकर्तासहितको चारवटा टोली घटनास्थलमा परिचालन गरिएको र हराएकाको खोजी जारी रहेको जानकारी दिँदै उक्त बलले वर्षा जारी रहे पनि उद्दारमा कुनै कठिनाइ नभएको बताएको छ ।