दुई दिनमा सुन तोला ३ हजार रुपैयाँले घट्यो, प्रतितोला कति ?
काठमाडौं,असार २३ । नेपाली बजारमा सुनको मूल्य निरन्तर ओरालो लागेको छ । बुधबार प्रतितोला १ हजार ६ सय रुपैयाँले घटेको सुन बिहिबार पनि तोलामा १ हजार ४ सय रुपैयाँले घटेको हो ।
नेपाल सुनचाँदी ब्यवसाय महासंघका अनुसार आज छापावाला सुनको मूल्य तोला ९४ हजार ६ सय रुपैयाँ र तेजावी सुनको मुल्य प्रतितोला ९४ हजार १ सय रुपैयाँमा कारोबार भइरहेको छ ।
अघिल्लो कारोबारको दिन भने छापावाला सुनको मूल्य प्रतितोला ९६ हजार रुपैयाँ र तेजावी सुनको मूल्य प्रतितोला ९५ हजार ५ सय रुपैयाँ कायम गरिएको थियो ।
त्यस्तै, बुधबार प्रतितोला १ हजार १७५ रुपैयाँमा कारोबार भइरहेको चाँदी बिहिबार भने तोलामा १० रुपैयाँले बढेर प्रतितोला ९४ हजार १ सय रुपैयाँमा कारोबार भइरहेको महासंघले जनाएको छ ।