झापामा भएको रिङ रेस्लिङमा नुवाकोटे टाइगरको जीत

काठमाडौं,असार १८ । झापामा भएको चौथो राष्ट्रिय रिङ रेस्लिङ च्याम्पियनसिपको उपाधि नुवाकोटे टाइगरले जितेका छन् । उनले आफ्ना प्रतिद्वन्द्वी डेविडलाई लक लगाउँदै उपाधि हात पारेका हुन् ।

टाइगरले ह्याभी वेटतर्फ डेविडलाई हराएका हुन् । टाइगरले उपाधिसँगै नगद एक लाख २५ हजार रुपैयाँ हात पारेका छन् ।मदन भण्डारी स्पोर्टस एकेडेमीको आयोजनामा झापाको केरखामा भएको रोचक प्रतिस्पर्धात्मक खेलमा टाइगरले डेविडमाथि अनवरत सशक्त प्रहार गरेका थिए ।

प्रतियोगिताको हार्ड कोरतर्फको उपाधि भने डेविडले जितेका छन् । उनले उपाधिसहित नगद १ लाख रुपैयाँ हासिल गरे । डेविडले चट्टानलाई हराउँदै उपाधि जितेका हुन् ।