टोखा १ झोरमा पुरानालाई बिदाई, नयाँलाई स्वागत
झोर,जेठ ३० । टोखा नगरपालिका वडा नम्बर १ झोरमा पुराना प्रतिनिधिलाई बिदाई तथा नयाँलाई स्वागत कार्यक्रम सम्पन्न भएको छ ।
सोमबार नवनिर्वाचित १ नम्बर वडा अध्यक्ष रमेशकुमार लामिछानेको प्रमुख उपस्थितिमा कार्यक्रम सम्पन्न भएको हो। कार्यक्रममा टोखा नगरपालिका स्वास्थ्य शाखा प्रमुख श्री रनलाल कुलालको समेत उपस्तिथि रहेको थियोे ।
कार्यक्रममा निवर्तमान टोखा नगरपालिका वडा नम्बर ०१ का वडा अध्यक्ष श्रीकृष्ण अधिकारी तथा सदस्यहरु एवम् निवर्तवान स्वास्थ्य चौकी संचालन तथा व्यवस्थापन समितिका पदाधिकारीलाई बिदाई तथा सम्मान गरिएको थियोे ।
कार्यक्रममा निवर्तमान पदाधिकारीलाई प्रशंसा तथा कदरपत्र प्रदान गरिएको थियोे । सोही समारोहमा स्वास्थ्य चौकी संचालन तथा व्यवस्थापन समितिका पदाधिकारहरुको पुनर्गठन समेत गरिएको वडा नम्बर १ कार्यालयले जनाएको छ ।
निवर्तमान जनप्रतिनिधि तथा स्वास्थ्य चौकी संचालन तथा व्यवस्थापन समितिका पदाधिकारीहरुलाई उज्ज्वल भबिष्यको कामना सहित सम्मानपूर्वक बिदाई तथा नवनिर्वाचित जनप्रतिनिधिहरु तथा स्वास्थ्य चौकी संचालन तथा व्यवस्थापन समितिका पदाधिकारीहरुलाई हार्दिक सम्मानपूर्वक स्वागत गरिएको थियोे ।