मेटलाइफ नेपालद्वारा उत्कृष्ट एजेन्सी सम्मानित

काठमाडौं,जेठ २६। मेटलाइफ नेपाल कम्पनीले आफ्ना उत्कृष्ट एजेन्सीहरूलाई सम्मान गरेको छ । काठमाडौंमा वार्षिक अवार्ड नाइटको आयोजना गर्दै कम्पनीले उत्कृष्ट एजेन्सी प्रतिनिधिहरूलाई सम्मान गरेको हो ।

कार्यक्रमका प्रमुख अतिथि वरिष्ठ उपाध्यक्ष तथा बंगलादेश, मलेशिया, नेपाल र भियतनामका प्रमुख एलिना बुटारोवा लगायत मेटलाइफ एशिया वितरणका एजेन्सी उपाध्यक्ष मारवन मटार लगायतको उपस्थिति थियो ।

त्यस्तै कम्पनीका उच्च अधिकारीहरूका साथै देशभरका योग्य एजेन्सी प्रबन्धकहरू, युनिट प्रबन्धकहरू र फिल्ड प्रतिनिधिहरूको पनि सहभागिता रहेको कम्पनीले जानकारी दिएको छ । कार्यक्रममा गतवर्षका ३०० भन्दा बढी उत्कृष्ट प्रतिनिधिको सहभागिता रहेको ९ विभिन्न विधामा पुरस्कार प्रदान गरिएको कम्पनीको भनाइ छ । सन् २००३ देखि मेटलाइफले आफ्ना शीर्ष प्रतिनिधिलाई सम्मानित गर्दै आएको छ ।