नुवाकोट जिल्ला समन्वय समिति प्रमुखमा राजिन्द्र, उप प्रमुखमा दलबहादुर
नुवाकोट,जेठ २५ । जिल्ला समन्वय समिति नुवाकोटको प्रमुखमा राजिन्द्र विक्रम सिंह ठकुरी चयन भएका छन् । ठकुरी माओवादी केन्द्रका हुन । त्यस्तै सो समितिका उपाध्यक्षमा दलबहादुर तामाङ निर्विरोध निर्वाचित भएका छन् । दलबहादुर नेपाली काङ्ग्रेसका हुन ।
जिल्ला समन्वय समिति नुवाकोटको प्रमुख ,उपप्रमुख र सद्स्य पदमा सबै पदाधिकारी निर्बिरोध निर्बाचित भएका हुन । सदस्यहरुमा नेपाली काङ्ग्रेसबाट राजेन्द्र श्रेष्ठ, माओवादी केन्द्रका रामचन्द्र पौडेल, नेपाली काङ्ग्रेसका मोहन पुडासैनी, माओवादी केन्द्रका सम्झना सेढाई , नेपाली काङ्ग्रेसकी सन्तोषी देवकोटा, नेपाली काङ्ग्रेसकी कान्छी सुनवार, माओवादी केन्द्रबाट धनमाया विक चयन भएका छन् । नुवाकोटमा जिल्ला समन्वय समिति गठन गर्न सत्तारुढ दल नेपाली कांग्रेस र माओवादी केन्द्रले गठबन्धन गरेको थियोे ।
प्रमुख निर्वाचन अधिकृत को कार्यालयबाट औपचारिक घोषणा भने भोलि दिउँसो हुने बताइएको छ ।