नुवाकोट क्षेत्र नम्बर १ बाट चुनाव लड्ने प्रकाशशरण महतको तयारी

काठमाडौं,जेठ २३ । नेपाली कांग्रेसका प्रवक्ता डा. प्रकाशशरण महतले गृह जिल्ला नुवाकोट क्षेत्र नम्बर १ बाट चुनाव लड्ने तयारी गरेका छन् । यसअघि काठमाडौंबाट चुनाव लडेका महत नुवाकोटबाट चुनावी मैदानमा उत्रन लागेको महत निकट श्रोतले जनाएको छ ।

२०७४ सालको प्रतिनिधिसभा निर्वाचनमा महत नेकपा एमालेका वरिष्ठ उपाध्यक्ष ईश्वर पोखरेलसँग काठमाडौं ५ मा पराजित भएका थिए । त्यसअघि भने यो क्षेत्रमा  कांग्रेस नेता नरहरि आचार्यले एमालेका पोखरेललाई पराजित गरेका थिए । ‘प्रकाशशरण दाइ काठमाडौं ५ मा अहिले उम्मेदवार बन्नहुन्न । सार्वजनिक रुपमा त उनले भनेका छैन,’ महत निकट नुवाकोटका एक जिल्ला नेताले भने,‘नुवाकोट १ मा बाट उठ्ने तयारी गरेका छन् ।’

नुवाकोट १ मा उनी उम्मेदवार बन्नका लागि डा. रामशरण महतलाई मनाउनुपर्दछ । देउवा निकट भएकाले उनलाई रामशरण महतलाई भन्दा टिकट पाउन सहज पनि छ । गृह जिल्लाबाट उम्मेदवार बन्ने तयारीमा रहेका महतले पछिल्लो समय नुवाकोट केन्द्रित कार्यक्रमलाई महत्व दिने गरेको पनि जिल्ला नेताहरु बताउँछन् । केही महिनाअघि उनले प्रधानमन्त्री तथा पार्टी सभापति शेरबहादुर देउवालाई नुवाकोट १ मा लगेर कार्यक्रम समेत गरेका थिए । अनलाइन खबरबाट