नुवाकोट शिवपुरी गाउँपालिका वडा नम्बर ६ का जनप्रतिनिधिद्वारा पदभार ग्रहण
नुवाकोट,जेठ ९ । जिल्लाको शिवपुरी गाउँपालिका वडा नम्बर ६ का नवनिर्वाचित जनप्रतिनिधिले पदभार सम्हालेका छन् ।
सोमबार वडा नम्बर ६ को वडा कार्यालयमा उपस्थित भइ पदभार ग्रहण गरेका हुन।
नवनिर्वाचित वडा नम्बर ६ का बिष्णु श्रेष्ठको टिमले पद ग्रहण गरेका हुन। श्रेष्ठ गत वैशाख ३० गते सम्पन्न निर्वाचनमा नेकपा एमालेको अध्यक्ष पदमा निर्वाचित जनप्रतिनिधि हुन।
पदभार समारोहमा नेपालका चर्चित रेस्लर कमल लामा उर्फ नुवाकोटे टाइगरले समेत पद सम्हालेका छन् । टाइगरले वडा तहकै सर्वोत्कृष्ट मत हासिल वडा सदस्य जितेका थिए ।
पदभारमा अन्य वडा सदस्य बिशाल थापा, भगवती बुढाथोकी, जानकी नेपाली लगायतको समेत उपस्तिथि रहेको थियोे । कार्यक्रम एमालेका नेता जितेन्द्र बिष्ट, लक्ष्मण लामा लगायतको उपस्थिति रहेको थियोे ।