सर्वाधिक मतसहित नुवाकोटे टाइगर विजयी
नुवाकोट, जेठ ७ । नुवाकोटे टाइगर उर्फ कमल लामाले शिवपुरी गाउँपालिका वडा नम्बर ६ मा सर्वाधिक मत ल्याई वडा सदस्यमा विजयी भएका छन् ।
लामाले शुक्रबार गाउँपालिकाको कार्यालय सेराबगरमा पदभार ग्रहण गर्दै नागरिकको आदेश अनुसार शिवपुरीको विकासका निमित्त खट्ने बताएका छन् ।
राष्ट्रिय तथा अन्तरास्ट्रिय रेस्लिङ प्रतियोगितामा सहभागी भइ विभिन्न पदक विजेता टाइगर वैशाख ३० मा सम्पन्न चुनावमा नेकपा एमालेको तर्फबाट वडा नम्बर ६ मा सर्वाधिक मत ल्याउन सफल भएका थिए । सो वडामा एमालेकै विष्णु श्रेष्ठले वडा अध्यक्ष जितेका छन् ।
