नुवाकोट विदुर नगरपालिकाको उपमेयरमा प्रभा बोगटी

काठमाडौं, जेठ ६ । विदुर नगरपालिकाको उपमेयरमा प्रभा बोगटी निर्वाचित भएकी छिन् । बोगटी नेकपा माओवादी केन्द्रकी दिवंगत नेता पोष्टबहादुर बोगटीकी छोरी समेत हुन ।उनले १२ हजार ८६० मत ल्याएर नेकपा एमालेकी अम्बिका नेपाललाई पराजित गरेकी हुन् ।

बोगटी पत्रकारिता समेत गर्दै आएकी थिइन् । उनी हालै सक्रिय राजनीतिमा आएकी छिन् । विगतमा माओवादी केन्द्रका अध्यक्ष प्रचण्डका छोरा प्रकाश दाहालसँग प्रभाको विवाह भएको थियो । उनीहरुको पछि पारपाचुके भएको थियो ।

गठबन्धनका उम्मेदवार राजन श्रेष्ठले एमालेका सन्जु पण्डितलाई पराजित गरी मेयर जितेका छन् ।