देउखुरीमा स्कार्पियोको ठक्करबाट मोटरसाइकलमा सवार २ जना घाईते
दाङ,वैशाख २६ । देउखुरीको गढवामा स्कार्पियोले मोटरसाइकललाई ठक्कर दिँदा दुई जना गम्भीर घाइते भएका छन् ।
सोमबार दिउँसो लमही देखि गढवा जाँदै गरेको बागमती प्रदेश ०१-०२७ च ००७७ नम्बरको स्कार्पियोले बिपरित दिशाबाट आउँदै गरेको रा ६ प ७३७९ नम्बरको मोटरसाईकललाई ठक्कर दिदाँ मोटरसाईकलमा सवार २ जना गम्भीर घाईते भएका हुन ।
दुर्घटनामा परि गढवा गाउँपालिका वडा नम्बर ६ आँटीपाकर बस्ने अन्दाजी २० वर्षिय अरुण चौधरी र सोही ठाउँ निवासी अन्दाजी २३ वर्षका सुरज चौधरी गम्भीर घाईते भएको ईलाका प्रहरी कार्यालय गढवाका प्रहरी प्रमुख रन्जु केसीले जानकारी दिईन । उनिहरु दुबैजना मोटरसाईकलमा सवार थिए । दुबैजनाको खुट्टामा गहिरो चोट लागेको छ ।
घाइतेहरुलाई लमही अस्पतालमा सामान्य उपचार पछि नेपालगञ्ज मेडिकल कलेज कोहलपुर रिफर गरिएको छ भने गाडी र चालकलाई प्रहरीले नियन्त्रणमा लिएको छ ।