ओलीले अब हार व्यहोर्दैछन: रामेश्वर श्रेष्ठ
काठमाडौं,वैशाख २३ । नेकपा एकीकृत समाजवादी पार्टीबाट काठमाडौं महानगरपालिकामा उपमेयरका उम्मेदवार रामेश्वर श्रेष्ठले नेकपा एमालेका अध्यक्ष केपी शर्मा ओलीलाई अहंकारी भनेका छन् । उनले काठमाडौंमा आयोजित गठबन्धनको सभामा बोल्दै ओलीको अहंकार पराजित हुने बताए । ‘अहंकारवाद पराजित हुन्छ,’ श्रेष्ठले भने,‘गठबन्धन बनाइदिने अवस्था बनाएकोमा धन्यवाद ।’
मेयरकी उम्मेदवार सृजना सिंह सबैको प्रीय र मिहेनती भएको बताए । आफूहरु मिलेर महानगरपालिकालाई सुन्दर र उदाहरणीय बनाउने बताए ।
महानगरपालिकामा आजको काम आजै हुने व्यवस्था गर्ने बताए । शिक्षा र स्वास्थ्यलाई प्राथमिकतामा राखेर काम गर्ने उनको भनाई थियो । कार्यक्रममा प्रधानमन्त्री सेरबहादुर देउवा,समाजवादीका अध्यक्ष माधवकुमार नेपाल,काङ्ग्रेस नेता रामचन्द्र पौडेल, माओवादी केन्द्रका अध्यक्ष पुष्पकमल दाहाल ‘प्रचण्ड’लगायतको उपस्थिति रहेको छ ।