प्युठानमा चुनाव अवधिभर मदिरा निषेध

प्युठान,वैशाख २२ । स्थानीय तहको निर्वाचन अवधिभर प्युठानमा मदिरा विक्री वितरणमा निशेध गरिएको छ । जिल्ला प्रशासन कार्यालय प्युठानमा बिहिबार बसेको सरोकारवालाको बैठकले वैशाख २७ गतेदेखि लागू हुने गरी प्युठानमा मदिराको कारोबारमा रोक लगाईएको हो ।

जिल्लाको शान्ति सुरक्षाको स्थितीलाई ख्याल गर्दै यहि बैशाख ३० गतेसम्म जिल्लाभर मदिरा पूर्णरुपमा निशेध गर्ने निर्णय गरिएको प्रमुख जिल्ला अधिकारी सुनिता नेपालले जानकारी दिनुभयो ।

चुनावी प्रचारप्रसारका क्रममा मदिरा सेवन गरी सामाजिक सद्भाव खलबल्याउने तथा निर्वाचन आचार सहिंताको उल्लंघनका घटना बढ्ने भएकोले मदिरा बिक्री वितरणमा पुर्ण रुपमा रोक लगाउने निर्णय गरिएको प्रजीअ नेपालले बताउनुभयो।