२५ वर्षीया सुजिता थिङ एमालेबाट गाउँपालिका उपाध्यक्षमा उम्मेदवार

काठमाडौं,वैशाख ११ । स्थानीय तहको निर्वाचनमा एमालेले मनहरी गाउँपालिकामा २५ वर्षीया सुजिता थिङलाई उम्मेदवार बनाएको छ ।

एमाले प्रदेश कमिटीको बैठकले अध्यक्षमा एकराज उप्रेती र उपाध्यक्षमा थिङलाई उम्मेदवार बनाउने निर्णय गरेको हो । अघिल्लो स्थानीय तह निर्वाचनमा यस गाउँपालिकामा एमालेले प्रमुख र उपप्रमुख दुवै पदमा विजयी भएको थियो ।

एमाले निकट विद्यार्थी संगठन अनेरास्ववियु मकवानपुरको जिल्ला सचिवालय सदस्य समेत हुन । उनी यसअघि नेपाल सरकारको पहिलो कार्यक्रमअन्तर्गत् राष्ट्रिय युवा परिषद्को आयोजनामा भएको संघीय नमूना युवा संसद स्थापना तथा अभ्यास कार्यक्रममा सभामुखको भूमिका निर्वाह गरेकी थिइन् ।