मुगुका सबै स्थानीय तहमा एमालेले टुंगायो उम्मेदवार

मुगु,वैशाख १० । मुगुका सबै स्थानीय तहमा एमालेले प्रमुख र उपप्रमुखको उम्मेदवार टुंगो लगाएको छ ।

धेरै आकांक्षीहरुको बीचबाट एमालेले जिल्लाको एक नगर र तीन गाउँपालिकामा उम्मेदवार टुंगो लगाएको हो। एमालेले छायानाथ रारा नगरपालिको प्रमुखमा डम्बरबहादुर रावल र उपप्रमुखमा टोमा लामालाई उम्मेदवार बनाउने भएको छ ।
त्यसैगरी सोरु गाउँपालिको अध्यक्षमा डिल्लीप्रसाद भट्ट र उपाध्यक्षमा डिलकली शाही, खत्याड गाउँपालिकाको अध्यक्षमा लालबहादुर मल्ल र उपाध्यक्षमा कविता गिरी उम्मेदवार बन्ने भएका छन्।

त्यसैगरी मुगुम कार्मारोङ गाउँपालिका अध्यक्षमा सोनाम लामा र उपाध्यक्षमा छिरिङ फुटिक लामालाई उम्मेदवार टुंगो लगाइएको एमाले मुगुले जनाएको छ।मेयरको उम्मेदवार सिफारिस भएका रावल २०७४ को स्थानीय निर्वाचनमा छायानाथ रारा नगरपालिका–५ बाट वाडाध्यक्षमा निर्वाचित भएका थिए।