नुवाकोट पञ्चकन्यामा शिक्षक तथा स्वास्थ्यकर्मीको सम्मानजनक बिदाइ
नुवाकोट,चैत २९ । जिल्लाको पञ्चकन्या गाउँपालिकाले शिक्षक तथा स्वास्थ्यकर्मीको सम्मानजनक बिदाई गरेको छ ।
मंगलबार एक कार्यक्रम बीच उनीहरुको बिदाइ गरिएको हो । बिदाइ हुनेहरुमा ४ जना शिक्षक र ४ जना स्वास्थ्यकर्मी रहेका छन् । शिक्षकहरुमा पञ्चकन्या माध्यमिक विद्यालयका रामचन्द्र कार्की र राजकुमार घापा , राष्ट्रिय माध्यमिक विद्यालयका तपेन्द्रलाल श्रेष्ठ, उदय जालपा माद्यामिक विद्यालयका हरिकृष्ण अधिकारी रहेका छन् ।
कार्यक्रममा विभिन्न वडाका स्वास्थ्यकर्मीहरुको समेत सम्मानजनक बिदाइ गरिएको छ । बिदाइ हुनेमा वडा नम्बर १ का स्वास्थ्यकर्मी बिमला ढकाल, वडा नम्बर २ को कृष्णमाया अर्याल, वडा नम्बर ४ का चन्द्र भवानी केसी, वडा नम्बर ५ भद्रुटारकी लक्ष्मी थपलिया रहेका छन् ।
गाउँपालिकाले कार्यविधि बनाएर नगदसहित उनीहरुको विदाई गरिएको छ ।