नुवाकोटका काङ्ग्रेस नेता तथा पूर्व उपसभापति यमबहादुर थापा एमालेमा प्रवेश
नुवाकोट,चैत २४ । नेपाली कांग्रेस नुवाकोटका पूर्व उपसभापति तथा भद्रुटारका नेता यमबहादुर थापा नेकपा एमालेमा प्रवेश गरेका छन ।
नेकपा एमाले नुवाकोटका अध्यक्ष बद्री मैनालीको घर पुगेर उनी बिहीबार बिहान एमाले प्रवेश गरेका हुन । उनले बिहीबार नै नेपाली कांग्रेसका अर्का नेता भगवान पौडेललाई पनि एमालेमा प्रवेश गराएका छन ।
कांग्रेसको १४ औँ महाधिवेशनमा पञ्चकन्या गाउँपालिकाको सभापतिमा ६ मतको झिनो मतान्तन्तरमा पराजित भएका थापा साविक भद्रुटार गाविसका निर्वाचित अध्यक्ष समेत हुन । नुवाकोटमा २०५४ मा अधिंकाश स्थानमा एमाले र राप्रपाले जित्दा कांग्रेसबाट विजयी भएका थिए । नेता थापा एमालेमा प्रवेश गरेसंगै नुवाकोट काङ्ग्रेसमा हलचल मच्चिएको छ ।
