जनज्ञान निकेतनले गर्यो पूर्वप्रधानाध्यापक सिलवालको भव्य बिदाई
नुवाकोट,चैत ६ । जिल्लाको पूर्वी क्षेत्रमा अवस्थित ख्यातिप्राप्त विद्यालय जनज्ञान निकेतन विद्यालयले पूर्वप्रधानाध्यापक महेशप्रसाद सिलवालको भव्य बिदाई गरेको छ ।
आइतबार विद्यालयको प्राङ्गणमा आयोजित भव्य कार्यक्रममा पूर्वप्रधानाध्यापक सिलवालको बिदाई गरिएको विद्यालयले जनाएको छ ।
विक्रम संवत २०५१ सालमा जनज्ञान निकेतन प्रवेश गरेका शिक्षक सिलवालले जीवनको आधी हिस्सा शैक्षिक क्षेत्रमा ब्यतित गरेको बताए । अङ्ग्रेजी र नेपालीमा स्नातकोत्तर हासिल गरेका शिक्षक सिलवाल ताराप्रसाद पाठक पछि प्रधानाध्यापकका रूपमा कार्यरत थिए ।
सिलवालको वहिर्गमनसंगै विद्यालयमा हाल अर्जुनप्रसाद लामिछाने प्रधानाध्यापकका रुपमा नियुक्त भएका छन् । पूर्व प्रधानाध्यापक सिलवालको बिदाईमा विद्यालयका पूर्व विद्यार्थी स्थानीय शिक्षक, विद्यार्थी, जनप्रतिनिधिहरुको सहभागिता रहेको थियोे ।