एमाले एक्लै भएपनि ७० प्रतिशत स्थानीय तह जित्छ : अध्यक्ष ओली

काठमाडौं,चैत १ । नेकपा एमालेका अध्यक्ष केपी शर्मा ओलीले स्थानीय तह निर्वाचनमा एमाले एक्लैले ६० देखि ७० प्रतिशत स्थानीय तह जित्ने दाबी गरेका छन् । मंगलबार पार्टीनिकट अखिल नेपाल महिलासंघको बैठकलाई सम्बोधन गर्दै ओलीले एमालेलाई वैसाखीको सहारा नचाहिएको भन्दै एक्लै ६० देखि ७० प्रतिशत स्थानीय तह जित्ने दाबी गरेका हुन् ।

‘एमालेलाई कसैको वैसाखी टेक्नुपरेको छैन । हामी एक्लै लड्न सक्छौं,’ उनले भने, ‘यति जित्नका लागि अरूको सहारा लिनु पर्दैन ।’

ओलीले नेकपा (एकीकृत समाजवादी) को नामप्रति कटाक्ष गरेका छन् । ‘जसको काम फाटोवादी उ एकीकृत, जो प्रतिगामी उ समाजवादी,’ उनले भने ।