पार्टी अध्यक्ष प्रचण्डलाई माओवादी केन्द्र झोरको न्यानो स्वागत
नुवाकोट,फागुन २९ । नेकपा (माओवादी केन्द्र) का अध्यक्ष पुष्पकमल दाहाल प्रचण्डलाई टोखा नगरपालिका वडा नम्बर १ झोरले न्यानो स्वागत गरेको छ ।
शनिबार नुवाकोटस्थित विदुरमा आयोजित स्वर्गीय नेता पोस्टबहादुर बोगटीको शालिक अनावरण गर्ने कार्यक्रम सकेर प्रचण्ड छहरे हुँदै टोखा यात्राका क्रममा माओवादी केन्द्र टोखा नगरपालिका वडा नम्बर १ पार्टी कार्यालय गाविस चोकमा स्वागत गरेको थियोे ।
माओवादी झोरका युवा नेता तथा युवा व्यवसायी दिपेन्द्र लामिछानेको अगुवाइमा स्वागत कार्यक्रम तय गरिएको बुझिएको छ । स्वागतका क्रममा अध्यक्ष प्रचण्डले चुनावी अभियान समेत उद्घाटन गरेको माओवादी केन्द्र वडा नम्बर १ झोरले जनाएको छ ।