अखिल नेपाल महिला संघ प्यूठानको अध्यक्षमा भगवती खड्का

प्युठान,फागुन १९ । नेकपा एमाले निकट अखिल नेपाल महिला संघ (अनेमसंघ) प्यूठानको अध्यक्षमा भगवती खड्का चयन भएकी छिन ।

बिहीबार जिल्लाको विजुवारमा सम्पन्न ५ औँ जिल्ला सम्मेलनबाट खड्काको नेतृत्वमा ५१ सदस्यीय जिल्ला कमिटी सर्वसम्मत चयन गरेको हो ।

संघको उपाध्यक्षमा लिला थापा र नारायणी अधिकारी चयन भएका छन् ।  सम्मेलनले सचिवमा गौरी भट्टराई, सह सचिवमा सरस्वती रिजाल र कोषाध्यक्षमा लक्ष्मी केसी लगायत चयन भएका छन् । सम्मेलनको उद्धाटन एमालेको पोलिट्ब्युरो सदस्य सुर्य थापाले गरेका थिए ।