कोरोना अपडेट: थप १०५ जनामा संक्रमण पुष्टि, ३ जनाको मृत्यु

काठमाडौं,फागुन १९ । पछिल्लो २४ घण्टामा नेपालमा थप १ सय ५ जनामा कोरोना पुष्टि भएको छ । स्वास्थ्य तथा जनसंख्या मन्त्रालयले बिहिवार तथ्यांक सार्वजनिक गदै ४ हजार ९ सय २४ जनाको कोरोना परिक्षण गर्दा १ सय ५ जनामा कोरोना संक्रमण पुष्टि भएको हो । 

२४ घण्टामा कोरोना संक्रमणबाट मृत्यु हुनेको संख्या ३ रहेको छ । हाल सम्म नेपालमा कोरोना संक्रमणबाट मृत्यु हुनेको संख्या ११ हजार ९ सय ४४ पुगेको मन्त्रालयले जनाएको छ । 

 यस्तै ३ सय २० कोरोना संक्रमित डिस्चार्ज भएको पनि  मन्त्रालयले जनाएको छ । यो सगै नेपालमा कोरोना निको हुनेको संख्या ९ लाख ५७ हजार ८ सय ८ रहेको छ । 
 
यसैगरी एक लाख २४ हजार ७ सय ८८ जनाले कोरोना विरुद्धको खोप लगाएको पनि मन्त्रालयले जनाएको छ ।