आफ्नी आमाको स्मृतिमा नुवाकोट सुनखानीका पाण्डे परिवारले दिए विद्यार्थीलाई पोशाक
नुवाकोट,फागुन १८ । आफ्नी आमाको स्मृतिमा नुवाकोट शिवपुरीस्थित सुनखानीका पाण्डे परिवारले स्थानीय सामुदायिक विद्यालयका विद्यार्थीलाई विद्यालय पोशाक वितरण गरेका छन् ।
आफ्नी स्वर्गीय आमा चेतकुमारी पाण्डेको स्मृतिमा जिल्लाको शिवपुरी गाउँपालिका वडा नम्बर ७ मा रहेको दुइवटा विद्यालयका विद्यार्थीलाई विद्यालय पोशाक वितरण गरिएको हो ।
वडा नम्बर ७ मा पर्ने सामुदायिक विद्यालय कुम्भेश्वर माध्यमिक विद्यालयका २२९ जना छात्र छात्रा र ग्रामीणदेवी माध्यमिक विद्यालयका १५० जना विद्यार्थीलाई चेतकुमारी पाण्डेका छोराद्वय मुकुन्दप्रसाद पाण्डे, प्रमोद पाण्डे र नाती इन्जिनियर ईश्वर पाण्डेले संयुक्त रुपमा विद्यालय पोशाक वितरण गरेका हुन ।
पोशाक वितरण समारोहमा प्रमुख अतिथी संविधान सभा सदस्य तथा नेपाली काङ्ग्रेसका प्रखर नेता जगदीश्वर नरसिंह केसी, विशेष अतिथि नेपाली काङ्ग्रेसका नेता सरोज कुमार केसी, वडा नं ७ का वडाध्यक्ष माधबप्रसाद भेटुवाल, सो वडाका नेपाली काङ्ग्रेसका उपसभापति वासुदेव कडेल, समाजसेवी सुजन थापा प्रधानाध्यापक माधब ठकुरी, सुर्यबहादुर डङोलका साथै विद्यालयका शिक्षक, विद्यार्थी अभिभावक लगायतको सहभागिता रहेको थियोे ।