सकियो कांग्रेस एमाले बैठक, साँझ ७ बजे पुनः बस्ने

काठमाडौं,फागुन १२ । सत्तारुढ नेपाली कांग्रेस र प्रमुख प्रतिपक्षी दल नेकपा एमालेबीचको बैठक पुनः बस्नेगरि सकिएको छ ।

प्रधानमन्त्री एवं काग्रेस सभापति शेरबहादुर देउवा र एमाले अध्यक्ष केपी शर्मा ओलीसहितका नेताहरुको बैठक साँझ ७ बजे फेरि बस्ने गरी सकिएको कांग्रेस नेता गगन थापाले जानकारी दिए । उनका अनुसार बैठक बेलुका ७ बजे बालुवाटारमा बस्नेछ ।

बैठकमा देउवाले अमेरिकी सहायता परियोजना एमसीसीको छलफलमा सहभागी भइदिन एमालेसँग आग्रह गरेका थिए । एमसीसी विषय अन्तर्राष्ट्रिय सरोकारको विषय भएकाले जसरी पनि टुंगो लगउनुपर्ने भएकाले संसद अवरोध खोलाएर छलफलमा भाग लिन आग्रह गरेको कांग्रेस महामन्त्री गगन थापाले बताए।