कोरोना अपडेट: थप ४ सय ७६ जनामा संक्रमण, मृत्यु ३

काठमाडौँ,फागुन १० । नेपालमा पछिल्लो २४ घण्टामा कोरोना भाइरसका ४ सय ७६ जना संक्रमित थपिएका छन् । यससंगै कुल संक्रमितको संख्या ९ लाख ७६ हजार १०५ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज ८ सय ३१ जना संक्रमणमुक्त भएका छन् । हालसम्म ९ लाख ५३ हजार ४ सय ३० जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ९ हजार ४ सय २४ जनामा परिक्षण गर्दा उक्त संक्रमण पुष्टि भएको हो ।

२४ घण्टामा ३ संक्रमितको मृत्यु भएको पनि मन्त्रालयले जनाएको छ । ११ हजार ९ सय २८ कोरोना बाट मृत्यु हुनेको संख्या रहेको छ ।