भारतमा कोरोना संक्रमण दर घट्दै, थप १ लाख ७ हजार भन्दा बढीमा संक्रमण

एजेन्सी, माघ २३ । भारतमा पछिल्लो २४ घण्टामा थप १ लाख ७ हजार ४ सय ४७ जनामा कोरोना संक्रमण पुष्टि भएको छ ।

साेही अवधिमा थप ८ सय ६५ जनाको मृत्यु भएको छ । योसँगै भारतमा कोरोनाबाट मृत्यु हुनेको कुल संख्या ५ लाख १ हजार ९ सय ७९ पुगेको भारतीय सञ्चार माध्यमले जनाएका छन् ।

स्वास्थ्य विभागको तथ्यांक अनुसार शनिबार, भारतमा कोरोनाबाट निको हुने दर ९५.९१ प्रतिशत छ । पछिल्लो २४ घण्टामा थप २ लाख १३ हजार २ सय ४६ जना कोरोना संक्रमित निको भएका छन् ।