कोरोना अपडेट: थप ५,२९२ संक्रमित, ८ जनाको मृत्यु
काठमाडौं,माघ १७ । पछिल्लो २४ घण्टामा नेपालमा कोरोना निको हुनेको संख्या बढ्दै गईरहेको छ । नयाँ संक्रमित भन्दा दोब्बर संख्यामा कोरोना निको हुनेको संख्या रहेको छ । स्वास्थ्य तथा जनसंख्या मन्त्रालयले सोमबार जारी गरेको तथ्यांकमा ५ हजार २ सय ९२ जनामा कोरोना पुष्टि भएको छ ।
यस्तै कोरोना निको हुनेको संख्या भने ८ हजार सय १ सय ९१ रहेको मन्त्रालयले जनाएको छ । यससंगै नेपालमा कोरोना निको हुनेको संख्या ८ लाख ६२ हजार ८ सय ९८ पुगेको छ । अर्थात ९०.५ प्रतिशत रहेको छ ।
२४ घण्टामा ८ जना कोरोना संक्रमितको निधन भएको छ । हाल सम्म कोरोना संक्रमणबाट निधन हुनेको संख्या ११ हजार ७ सय ४३ पुगेको छ ।
३ लाख ६६ हजार ६ सय ३ जनाले कोरोना विरुद्धको खोप लगाउँनु भएको छ । सक्रिय कोरोना संक्रमितको संख्या भने केही घटेको देखिन्छ । ७९ हजार २ सय ७२ सक्रिय संक्रमितको संख्या रहेको छ ।