कोरोना अपडेट: थप १२ हजार ८ जनामा संक्रमण, मृत्यु ८
काठमाडौँ,माघ ११ । नेपालमा पछिल्लो २४ घण्टामा कोरोना भाइरसका १२ हजार ८ जना संक्रमित थपिएका छन् । यससंगै कुल संक्रमितको संख्या ९ लाख २७ हजार ८ सय ८० पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज ३ हजार ४० जना संक्रमणमुक्त भएका छन् । हालसम्म आठ लाख २७ हजार २ सय ७९ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा २५ हजार ९०९ जनामा परिक्षण गर्दा उक्त संक्रमण पुष्टि भएको हो ।
कोरोना संक्रमणबाट मंगलबार थप ८ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ६ सय ६७ पुगेको स्वास्थ्य तथा जनसंख्या मन्त्रालयले जनाएको छ ।