उपत्यकामा एकैदिन साढे ४ हजार भन्दा बढीमा कोरोना संक्रमण पुष्टि
काठमाडौँ, माघ १० । काठमाडौं उपत्यकामा पछिल्लो २४ घण्टामा ४ हजार ६ सय ७६ जनामा कोरोना संक्रमण पुष्टि भएको छ । जसमध्ये काठमाडौंमा ३,६३४, ललितपुरमा ५८७ र भक्तपुरमा ४५५ जनामा कोरोना संक्रमण देखिएको स्वास्थ्य मन्त्रालयले जनाएको छ ।
त्यस्तै,आज नेपालमा कोरोनाका १० हजार ३१९ जना संक्रमित थपिएका छन् । योसंगै कुल संक्रमितको संख्या ९ लाख १८ हजार ४ सय ४८ पुगेको मन्त्रालयले जनाएको छ । कोरोना संक्रमणबाट आज थप ४ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ६ सय ५९ पुगेको स्वास्थ्य तथा जनसंख्या मन्त्रालयले जनाएको छ।
त्यस्तै, आज २ हजार ५ सय ४० जना संक्रमणमुक्त भएका छन् । हालसम्म आठ लाख २४ हजार २ सय ३९ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा २१ हजार २०१ जनामा परिक्षण गर्दा उक्त संक्रमण पुष्टि भएको हो ।