नेपालमा थप १० हजार ७०३ जनामा कोरोना संक्रमण

काठमाडौँ, माघ ७ । नेपालमा पछिल्लो २४ घण्टामा कोरोना भाइरसका १० हजार ७०३ जना संक्रमित थपिएका छन् ।

यससंगै कुल संक्रमितको संख्या ८ लाख ९६ हजार ५ सय ८४ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज ७ सय ६६ जना संक्रमणमुक्त भएका छन् । हालसम्म आठ लाख १९ हजार ५ सय ७५ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा २३ हजार ९२ जनामा परिक्षण गर्दा उक्त संक्रमण पुष्टि भएको हो ।