त्रिभुवन विश्वविद्यालयद्वारा सबै परीक्षा स्थगित
काठमाडौँ,माघ ६ । हाल सञ्चालित त्रिभुवन विश्वविद्यालयको सबै तहका परीक्षा स्थगित भएको छ । परीक्षा नियन्त्रण कार्यालयले बिहीबार एक सूचना जारी गर्दै माघ ९ गतेदेखि अर्को सूचना प्रकाशित नभएसम्मका लागि सबै परीक्षा स्थगित गरेको जनाएको हो ।
सूचनामा भनिएको छ, ‘हाल सञ्चालन भइरहेका अधिकांश परीक्षाहरु सम्पन्न भइसकेका, केही परीक्षा सम्पन्न हुने क्रममा र सञ्चालनको पूर्वतयारी अवस्थामा रहेको र विश्व्यापी रुपमा फैलिएको ओमक्रोम भेरियन्टको तीव्र संक्रमणका कारण उपत्यका र बाहिरका अधिकांश परीक्षा केन्द्रमा परीक्षासँग सम्बन्धित विद्यार्थी, कर्मचारी एवम् प्राध्यापकसमेत संक्रमित भएका कारण त्रिवि केन्द्रीय परीक्षा सञ्चालन समितिको बैठकबाट हाल सञ्चालित वार्षिक तथा सेमेस्टर प्रणालीका सम्पूर्ण परीक्षाहरु स्थगित गरिएको छ।
माघ ९ गतेदेखि अर्को सूचना प्रकाशित गरी परीक्षा बारे थप जानकारी दिलाउने विश्वविद्यालयले जनाएको छ ।’