कोरोना अपडेट: थप १४ सय ४६ संक्रमित, मृत्यु संख्या २
काठमाडौँ, पुस २६ । नेपालमा पछिल्लो २४ घण्टामा कोरोना भाइरसका १४ सय ४६ जना संक्रमित थपिएका छन् । यससंगै कुल संक्रमितको संख्या ८ लाख ३३ हजार ९ सय ४६ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज २ सय ५५ जना संक्रमणमुक्त भएका छन् । हालसम्म आठ लाख १४ हजार ४ सय ८५ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ११ हजार ४ सय २९ जनामा परिक्षण गर्दा उक्त संक्रमण पुष्टि भएको हो ।
कोरोना संक्रमणबाट थप दुई जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ६०६ पुगेको स्वास्थ्य तथा जनसंख्या मन्त्रालयले जनाएको छ ।