नेपालमा थप ११ सय ६७ जनामा कोरोना संक्रमण
काठमाडौँ,पुस २५ । नेपालमा पछिल्लो २४ घण्टामा कोरोना भाइरसका ११ सय ६७ जना संक्रमित थपिएका छन् । यससंगै कुल संक्रमितको संख्या ८ लाख ३२ हजार ९ सय १५ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आइतबार २ सय २४ जना संक्रमणमुक्त भएका छन् । हालसम्म आठ लाख १४ हजार २ सय ३० जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १२ हजार ६ सय ३२ जनामा परिक्षण गर्दा उक्त संक्रमण पुष्टि भएको हो ।
कोरोना संक्रमणबाट सोही समयावधिमा थप दुई जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ६०४ पुगेको स्वास्थ्य तथा जनसंख्या मन्त्रालयले जनाएको छ ।