एमाले गुल्मीको अध्यक्षमा काउछा र्निबिरोध
गुल्मी,पुस २४ । नेपाल कम्युनिस्ट पार्टी (एमाले) गुल्मीको अध्यक्ष र सचिव पदमा र्निबिरोध भएको छ । जिल्ला अध्यक्षमा बाहिसिंह काउछा र सचिवमा गणेश श्रीपाली र्निबिरोध निर्वाचित भएका छन् ।
जिल्ला सदरमुकाम तमघासमा जारी नेकपा (एमाले) गुल्मीको ११ औं जिल्ला अबिधेशनबाट अध्यक्षमा काउछा र सचिवमा श्रीपालीको मात्रै उम्मेदवारी परेकाले र्निबिरोध भएका हुन् । शुक्रवारबाट सुरु भएको जिल्ला अधिबेशनमा अध्यक्ष र सचिव पदमा बाहेक अरु पदमा धेरै प्रतिस्पर्धीहरुले उम्मेदवारी दिएका छन् ।
अन्य पदमा उम्मेदवारी दिए पनि सर्बसम्मत नेतृत्व चयन गर्नका लागि छलफल भइरहेको एमाले गुल्मीले जनाएको छ ।
अधिबेशनबाट आगामी ३ वर्षका लागि १ सय ५ जनाको जिल्ला कमिटी निर्वाचित हुनेछन् । जसमध्ये ५ जनाको पदाधिकारी हुनेछ । जिल्ला कमिटीको संख्या मध्ये ३३ प्रतिशत महिला अनिवार्य निर्वाचित हुनेछन् । अधिबेशनमा जिल्लाभरबाट करिब ७ सय भन्दा वढि प्रतिनिधी सहभागि भएका छन् । नेकपा एमाले गुल्मीमा १० हजार १८४ जना संगठीत सदस्य रहेका छन् ।