एमाले अर्घाखाँचीको अध्यक्षमा पिताम्बर भुसाल चयन
अर्घाखाँची,पुस २४ । नेकपा एमाले अर्घाखाँचीको अध्यक्षमा पिताम्बर भुसाल चयन भएका छन्। भुसाल पार्टीको ८ औं जिल्ला अधिवेशनबाट सर्बसम्मत जिल्ला अध्यक्ष चयन भएका हुन्।
उनी यसअघि पार्टीको लुम्बिनी प्रदेश सदस्यको जिम्मेवारीमा थिए। आदर्श मा.वि. खनदहबाट वि.स. २०४२ सालमा अनेरास्ववियुबाट बिद्यार्थी राजनीति हुदै पार्टी राजनितीमा प्रवेश गरेका भुसाल २०५४ सालमा साविक बाँगी गाविसको अध्यक्ष पदमा निर्वाचित भएका थिए।
२४ वर्षदेखि निरन्तर जिल्ला कमिटी सदस्य, सचिवालय सदस्य रहेका उनी हाल नेकपा एमाले लुम्बिनी प्रदेश कमिटी सदस्यको जिम्मेबारीमा थिए ।
अधिवेशनबाट जिल्ला उपाध्यक्षमा ईश्वरा पाेख्रेल,सचिवमा तोज बहादुर रायमाझि, उपसचिवमा भीम केसी र शम्भु प्रसाद पाेख्रेल चयन भएका छन्। एमाले जिल्ला कमिटी ९० सदस्यको छ । तर, निर्वाचन आयोगले भने औपचारीक सार्वजनिक गरिसकेको छैन्।