कोरोना अपडेट: थप ५४० संक्रमित
काठमाडौं,पुस २२ । केही समय मन्थर हुदै गएको कोरोना संक्रमितहरुको संख्या नाटकिय रुपमा उकालो लाग्न थालेको छ । बिहीबार मात्रै नेपालमा ५४० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १२ हजार ९९ जनाको पीसीआर तथा एन्टिजेन परीक्षण गर्दा ५४० जनामा संक्रमण देखिएको हो ।
त्यस्तै, सोही अवधिमा २७१ जना कोरोना संक्रमणमुक्त भएका छन् । योसँगै कोरोनामुक्त हुनेको संख्या ८ लाख १३ हजार ४४७ पुगेको छ ।
संक्रमणका कारण आज थप १ जनाको निधन भएको छ । योसँगै कोरोनाबाट ज्यान गुमाउनेको संख्या ११ हजार ६०२ पुगेको छ । आज देशभर ५ हजार ४३१ जना सक्रिय संक्रमित रहेका छन् । नेपालमा कोरोना निको हुनेदर ९७.९ प्रतिशत रहेको मन्त्रालयल जनाएको छ ।