कोरोना संक्रमणदर बढ्यो, थप ४३५ जना संक्रमित

काठमाडौं, पुस २१ । नेपालमा कोरोना संक्रमणदर वृद्धि भएको छ। कोरोना भाइरसका थप ४ सय ३५ जना संक्रमित थपिएका छन् । ६ हजार ७ सय १५ जनाको परीक्षणमा आज उक्त संक्रमित फेला परेको स्वास्थ्य तथा जनसंख्या मन्त्रालयले जनाएको छ ।

यसैगरी, आज २ सय ३९ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट ३७० र एन्टिजेन विधिबाट ६५ जनामा संक्रमण पुष्टि भएको हो ।

हालसम्म ५२ सय २५ जना संक्रमितको देशभर उपचार भैरहेको मन्त्रालयले जनाएको छ ।