कोरोना अपडेट: थप ३२६ जनामा कोरोना संक्रमण

काठमाडौं,पुस १९ । नेपालमा पछिल्लो २४ घण्टामा १२ हजार ४ सय ९८ कोरोना परिक्षण गर्दा ३२६ जनामा संक्रमण पुष्टि भएको छ ।  स्वास्थ्य तथा जनसंख्या मन्त्रालयले सोमबार सार्वजनिक गरेको तथ्याङ्क अनुसार २४ घण्टामा नेपालमा २५५ जना कोरोना निको भएका छन् ।

यो संगै नेपालमा कोरोना निको हुनेको दर ९८ प्रतिशत अर्थात ८ लाख १२ हजार ६ सय ७४ रहेको छ । २ जनाको कोरोना संक्रमणबाट मृत्यु भएको पनि मन्त्रालयले तथ्याङ्कमा उल्लेख गरिएको छ । हाल सम्म नेपालमा कोरोना संक्रमणको कारण ज्यान गुमाउनेको संख्या ११ हजार ५ सय ९८ पुगेको छ । 

यस्तै नेपालमा सक्रिय कोरोना संक्रमितको संख्या भने बढेको देखिन्छ । मन्त्रालयका अनुसार सक्रिय संक्रमितको संख्या ५ हजार ५ रहेको छ । ८९ जना आइसीयू र २१ जना भेन्टिलेटरमा रहेको मन्त्रालयले जनाएको छ।