माओवादीको अध्यक्षमा प्रचण्ड सर्वसम्मत चयन
काठमाडौं,पुस १९ । माओवादीको अध्यक्षमा प्रचण्ड सर्वसम्मत चयन भएका छन् । माओवादीको काठमाडौंमा जारी आठौं महाधिवेशनले प्रचण्डलाई सर्वसम्मत अध्यक्षमा चयन गरेको हो ।
प्रचण्डलाई अध्यक्षमा नारायणकाजी श्रेष्ठ प्रस्तावक र कृष्णबहादुर महरा समर्थक बनेका थिए । उनको विपक्षमा कोही पनि खडा नभएपछि अध्यक्ष चयन भएको घोषणा गरिएको छ ।
प्रचण्ड ३५ वर्षयता नेतृत्वमा छन् । उनी विगतमा मसाल हुँदै माओवादीको नेतृत्वमा रहेका छन् । नेकपा छँदा पनि उनी अध्यक्ष नै थिए ।