नुवाकोट पञ्चकन्याको उदयजालपा माविको भवन शिलान्यास

नुवाकोट,पुस १८ । जिल्लाको पञ्चकन्या गाउँपालिका वडा नम्बर ४ मा रहेको उदयजालपा माध्यमिक विद्यालयको भवन शिलान्यास भएको छ।

आइतबार विद्यालयमा आयोजित एक कार्यक्रम बीच सो भवनको शिलान्यास वाग्मती प्रदेश उपसभामुख राधिका तामाङले गरेकी हुन।

कुल २ करोड ८६ लाख (कर बाहेक) मा निर्माण हुने ६ कोठे सुबिधा सम्पन्न भवनको उपसभामुख तामाङद्वारा शिलान्यास भएको पञ्चकन्या गाउँपालिका शिक्षा शाखाका निरन्जन तिवारीले बताए ।

नेपाल-भारत सरकारको सहयोगमा निर्माण हुन लागेको सो भवन शिलान्यास समारोहमा पञ्चकन्या गाउँपालिकाका अध्यक्ष तेजबहादुर तामाङ, उपाध्यक्ष सीता पराजुली, शिक्षा विकास समन्वय इकाई नुवाकोटका प्रमुख, वडा नम्बर १,३,४ का अध्यक्षलगायतको उपस्थिति रहेको थियोे।