नुवाकोट छहरेमा रहेको सेई बोर्डिङ स्कुलको भूतपूर्व विद्यार्थी संघ गठन

नुवाकोट, पुस १० । जिल्लाको लिखु गाउँपालिका वडा नम्बर ६ छहरेमा रहेको सेई बोर्डिङ स्कुलको भूतपूर्व विद्यार्थीको भेलाले भूतपूर्व विद्यार्थी संघ गठन गरेको छ।

शनिबार विद्यालयमा भएको सो विद्यालयका भूतपूर्व विद्यार्थीहरुको भेलाले आशिष खनालको अध्यक्षतामा भूतपूर्व विद्यार्थी संघ गठन गरेको हो।

पुर्व विद्यार्थी संघको अन्य पदाधिकारीहरुमा उपाध्यक्ष सनुजा उप्रेती, सचिव अरुण बस्नेत, सहसचिव विशेषा पौडेल, कोषाध्यक्ष अच्युत तिमिल्सिना, सदस्यहरुमा सबिना बोहरा, विकास राई, कृतिका नेपाली, रुपा कुवर, सरोज जिसी, राजन कार्की लगायत रहेका छन् । कार्यक्रम विद्यालयका प्रधानाध्यापक राजन खतिवडाको सभापतित्वमा भएको थियोे ।

जिल्लाकै नमूना विद्यालयको रुपमा परिचित सेई बोर्डिङ स्कुलमा हाल ६ सय विद्यार्थी अध्ययनरत छन् । २०६४ सालमा स्थापना भएको यस विद्यालयमा ५० जना शिक्षकले अध्यापन गराउदै आएको विद्यालयका शिक्षक सरोज पन्तले बताए।