कपिलवस्तु बहुमुखी क्याम्पसमा टिकटक बनाउन प्रतिबन्ध
कपिलवस्तु,पुस १० । कपिलवस्तु बहुमुखी क्यामपसमा टिकटक बनाउन प्रतिबन्ध लगाइएको छ ।
तौलिहवामा अवस्थित बहुमुखी क्याम्पसमा अब टिकटक बनाउन पाइने छैन । पछिल्लो समय विद्यार्थीहरुले क्याम्पस भित्र अधिकतम मात्रामा टिकटक बनाउने गरेको भन्दै क्याम्पसले यस्तो निणर्य गरेको हो ।
क्याम्पसले एक सूचना जारी गर्दै क्याम्पसमा अध्ययनरत केहि विद्यार्थीहरुले स्मार्ट मोबाइलको प्रयोग गरी क्याम्पस परिसर भित्र टिकटक बनाएको भन्ने गुनासो आएकाले अब उपरान्त क्याम्पसको संरचना आउने गरी क्याम्पस पोशाकमा टिकटक भिडियो बनाउन रोक लगाइएको छ । यदि सो कार्य गरेको पाइएमा सम्बन्धित व्यक्तिको मोबाइल नियन्त्रणमा लिई आचार संहिता अनुसार कारवाही हुने जनाएको छ ।
“क्यामपस हाता भित्र टिकटक बनाउन सख्त मनाही छ । अन्यथा विद्यार्थी आचार संहिता अनुसार मोबाई जफत गरि कार्यवाही हुने छ ।’’ भनि क्याम्पसका विभिन्न ठाउँमा सूचना टासिएको छ ।
अहिले सामाजिक संञ्जालमा धेरै रुचाईएको र हेरिने एप्पस्मा टिकटकलाई लिन सकिन्छ । जुनसुकै उमेर तहका व्यक्तिहरुको रोजाईमा परेको यो एप्पस् मनोरञ्जनको साधन बनेको छ ।
टिकटक विवाह, पार्टि, विभिन्न ठाउँको घुमघाममा जहाँ पनि सजिलै बनाउन सकिन्छ । पछिल्लो समय टिकटक विद्यालय र क्याम्पस, अस्पताल, सरकारी कार्यलयमा समेत बनाईएको देखिन्छ ।
जस्ले गर्दा विद्यालय वा क्याम्पसहरुको सभ्यता र अनुशासन नभएको देखीनुका साथै पढ्ने समयमा पनि विद्यार्थीहरु टिकटकमा झुम्मीने हुँदा विद्यार्थीको पढाईमा समेत नकारात्मक असर पर्ने भन्दै टिकटक प्रतिबन्ध लगाइएको हो । पछिल्लो समय विभिन्न विद्यालयले पनि विद्यालय तथा क्याम्पसमा टिकटक प्रतिबन्ध लगाएका छन् ।
