थप २ सय ६० जनामा कोरोना संक्रमण, मृत्यु १

काठमाडौं,पुस ९ । नेपालमा पछिल्लो २४ घण्टामा कोरोना भाइरसका २ सय ६० जना संक्रमित थपिएका छन् । यससंगै कुल संक्रमितको संख्या ८ लाख २६ हजार ९०१ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै,आज ३ सय ४९ जना संक्रमणमुक्त भएका छन् । हालसम्म आठ लाख १० हजार २ सय ७१ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ११ हजार ८ सय ९८ जनामा परिक्षण गर्दा उक्त संक्रमण पुष्टि भएको हो ।

कोरोना संक्रमणबाट शुक्रबार थप एक जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ५ सय ८२ पुगेको स्वास्थ्य मन्त्रालयले जनाएको छ ।