पञ्चकन्या चेयरमेन कप भलिबल प्रतियाेगिता सम्पन्न, पहिलो र दोस्रो पुरस्कार घरेलु टिमलाई

नुवाकोट,पुस २ । जिल्लाको पञ्चकन्या गाउँपालिकामा जारी चेयरमेन कप भलिबल प्रतियाेगिता सम्पन्न भएको छ।

‘खेल र खेलाडीबाट सिकाैँ, अनुसाशन र स्वाभिमान संमृद्ध पञ्चकन्या निर्माण हाम्राे अभियान’ भन्ने मूल नाराका साथ मंसिर २९ गतेदेखि सुरु भएको सो प्रतियोगिता सम्पन्न भएको हो।

शुक्रबार एक समारोहका बीच पञ्चकन्या गाउँपालिका वडा नम्बर २ कालिका माध्यमिक विद्यालयमा जारी सो प्रतियोगिता सम्पन्न भएको गाउँपालिकाको कार्यालय पञ्चकन्याले जनाएको छ।

प्रतियाेगितामा पहिलो र दोस्रो स्थान घरेलु टिमले जितेको छ । प्रथम पञ्चकन्या ‘ए ‘, दाेस्राे स्थान पञ्चकन्या ‘बी’, तेस्राे स्थानमा दुप्चेश्वर गाउँपालिका र चाैथाे तथा सान्त्वना म्यागङ गाउँपालिकाले हात पारेका छन् । विजेता समूहलाई गाउँपालिकाका अध्यक्ष तेजबहादुर तामाङले शुभकामना, प्रसंशा तथा नगद प्रदान गरेका थिए।प्रतियोगितामा प्रथम टीमलाई १ लाख, द्वितीयलाई ७५ हजार र तृतीयलाई ५० हजार रुपैयाँ पुरस्कार सहित सम्मान गरिएको थियोे ।