कोरोना अपडेट: थप १ सय ८४ संक्रमित, २ सय निको

काठमाडौं,पुस १ । नेपालमा पछिल्लो २४ घण्टामा कोरोना भाइरसका १ सय ८४ जना संक्रमित थपिएका छन् । यससंगै कुल संक्रमितको संख्या ८ लाख २५ हजार १ सय ७६ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै,आज २ सय ६७ जना संक्रमणमुक्त भएका छन् । हालसम्म ८ लाख ८ हजार ८३ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट १ सय ६० र एन्टिजेन विधिबाट ४० संक्रमण पुष्टि भएको हो ।

कोरोना संक्रमणबाट आज थप २ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ५ सय ६७ पुगेको स्वास्थ्य मन्त्रालयले जनाएको छ ।