नुवाकोट शिवपुरीको ग्रामीणदेवी माध्यमिक विद्यालयलाई पुस्तकालय हस्तान्तरण
नुवाकोट,मंसिर २८ । जिल्लाको शिवपुरी गाउँपालिका वडा नम्बर ७ मा रहेको ग्रामीणदेवी माध्यमिक विद्यालयलाई पुस्तकालय हस्तान्तरण गरिएको छ।
मंगलबार एक समारोहका बीच रुम टु रिड र रुडेक नेपालबाट सञ्चालित साक्षरता कार्यक्रम अन्तर्गत सो विद्यालयमा पुस्तकालय हस्तान्तरण गरिएको हो।
सो संस्थाको साक्षरता कार्यक्रम अन्तर्गत विद्यालयलाई पुस्तकालय हस्तान्तरण गरिएको विद्यालयले जनाएको छ। माध्यमिकस्तर सम्म अध्ययन अध्यापन हुने सो विद्यालयमा विद्यार्थीलाई आवश्यक सम्पुर्ण पुस्तक ब्यवस्थापन गरिएको संस्थाले जनाएको छ ।
सो कार्यक्रममा शिवपुरी गाउँपालिका वडा नम्बर ७ का अध्यक्ष माधबप्रसाद भेटुबाल, संस्थाका मिनकुमार केसी, विद्यालयका प्रधानाध्यापक सुर्यबहादुर डङोल लगायतको सहभागिता रहेको थियोे। सो पुस्तकालय हस्तान्तरणसंगै विद्यालयमा अध्ययनरत विद्यार्थीको आवश्यक थप ज्ञान स्तर वृद्धि हुने अपेक्षा संस्थाले गरेको छ।
