कोरोना अपडेट: थप २६४ संक्रमित, ३६२ डिस्चार्ज

काठमाडौं,मंगलबार २८ । नेपालमा पछिल्लो २४ घण्टामा १३ हजार ७ सय ९ जनाको कोरोना परिक्षण गरिएको छ । 
९ हजार ३ सय ९२ जनाको पिसिआर र ४ हजार ३१७ जनाको एन्टिजेन विधि मार्फत कोरोना परिक्षण गरिएको थियो ।

त्यसमध्ये २६४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले  जनाएको छ । 
दुई जनाको कोरोना संक्रमणबाट मृत्यु भएको पनि मन्त्रालयले जनाएको छ ।

यस्तै कोरोना निको हुनेको संख्या ३६२ रहेको छ । यो संगै नेपालमा कोरोना निको हुनेको संख्या ८ लाख ७५ हजार १६ अर्थात ९७.९ प्रतिशत रहेको छ । 

दुई लाख ३६ हजार ४ सय ८२ जनाले कोरोना विरुद्धको खोप लगाएको पनि उल्लेख गरिएको छ । नेपालमा ५ हजार ६ सय ८९ सक्रिय संक्रमित रहेको छ भने त्यसमध्ये ९६ जना क्वारेन्टाइनमा रहेका छन् ।